Áveitan ehf · Njarðarnes 4 · 603 Akureyri · Sími: 469 4242 · aveitan@aveitan.is

Um Áveituna

Áveitan ehf. hefur áratuga reynslu við að þjónusta einstaklinga og fyrirtæki, bæði stór og smá. Við sérhæfum okkur í alhliða pípulögnum og það sem að þeim snýr. Áveitan hefur tengsl við stóra birgja, bæði innanlands og erlendis og þannig getum við tryggt sem besta þjónustu og skjótan afgreiðslutíma þar sem það á við. Áveitan er í tengslum við fjölda verktakafyrirtækja og getur þar af leiðandi boðið upp á heildarlausnir við framkvæmdir.
Margir starfsmenn Áveitunnar hafa starfað lengi hjá fyrirtækinu og hafa áratuga reynslu og nýtist það vel í að bjóða viðskiptavinum okkar góða þjónustu, þekkingu og fagleg vinnubrögð sem er ávallt markmið okkar ásamt gæðamálum.

Besta mál og fínar græjur eru okkar einkunnarorð.

Sagan

Fyrirtækið Áveitan ehf. var stofnað í Sandgerði þann 23. desember 1997 og hóf sitt fyrsta starfsár í janúar 1998.

Í upphafi voru tveir starfsmenn, stofnendur fyrirtækisins, hjónin Haraldur Pálsson og Jóhanna Sólrún Norðfjörð. Fljótlega fjölgaði starfsmönnum hjá fyrirtækinu þar sem ein af fyrstu verkefnum Áveitunnar voru Orkuver í Svartsengi, Heiðarskóli í Keflavík, Schengenbygging Flugstöðvar Leifs Eiríkssonar ásamt öðrum stórum og smærri verkum.

Á tuttugu árum hafa umsvifin oft verið mikil og verkefnin fjölbreytt. Stakkurinn hefur þó alltaf verið sniðinn eftir vexti og aðstaða fyrir verkstæði og mannskap verið allt frá því að komast fyrir í einum flutningabíl upp í núverandi staðsetningu sem er að Njarðarnesi 4 á Akureyri. Í dag er fyrirtækið eitt stærsta sinnar tegundar á Norðurlandi og eru starfsmennirnir tuttugu talsins.

Verkefnastaða Áveitunnar er góð og starfsandinn einnig. Á hverjum vinnustað eru það starfsmennirnir sem láta verkin ganga og hefur það alla tíð verið markmið hjá Áveitunni að skapa starfsmönnum gott fjölskylduvænt umhverfi. Ef ekki væri fyrir gott starfsfólk, væri engin starfsemi. Einkunnarorð okkar eru ,,Besta mál og fínar græjur“.

Áveitan ehf · Njarðarnes 4 · 603 Akureyri
Sími: 469 4242 · aveitan@aveitan.is
Áveitan ehf · Njarðarnes 4 · 603 Akureyri · Sími: 469 4242 · aveitan@aveitan.is